Сообраќајот низ земјава утрово се одвива без поголеми пречки, а коловозите на поголемиот дел од патиштата се суви. Според надлежните, сите државни патни правци се целосно проодни.
Возачите сепак се предупредуваат на зголемена внимателност на делниците што минуваат низ клисури и планински усеци, каде поради природни процеси е можна појава на помали одрони.
Од ЈП „Македонија пат“ апелираат учесниците во сообраќајот да ја приспособат брзината на движење на условите на патот, да ја почитуваат сообраќајната сигнализација и да возат внимателно.
Од претпријатието информираат дека нивните дежурни екипи се постојано ангажирани на терен со цел сите патни правци да останат безбедни и проодни.
